Ziit vergaht wie im flug

De Piero und ich hend das ganze Füührwehrmaanne mässig überno und hend mit eurer Hilfe grosses gschafft

2 Saisons: Ufstieg, beste Ufstieger ide 2. Liga 
1. Saison 50 Pünkt, 87 Goal gschosse, besti Goaldifferenz +61 ide liga, bis cup viertelfinal
2. Saison 40 pünkt 70 goal beste wert ide liga, 3. besti goaldifferenz, bis cup viertelfinal penaties usegheit

Es isch au ziit danke zsege womer nöd immer im vordergrund gseht:

Zerst eusi Präsidentin wo immer alles macht und dete isch woses sie brucht sie macht chli viel umfrage aber ja.

 Euse Vorstand wo de lade schmeissed und lueged dases dem Verein guet gaht: Isa, Gaby, Alex, Katja und Viviane.

Au danke Jessi fürs ganze Insta wo viel ziit bruucht.
Au danke an Nici für das er eusi goalie gfordered und besser gmacht het.

 Danke au eune eltere wo eus svertraue ge hend vo eusne ganz junge.

 Und ich wott au danke sege de Julie als kapitänin und au wo mit eus gluegt het welli junge spielerinne mer chönti fördere und is 1 ufene, du bisch jetzt scho e trainerin mit grossem potenzial fürd zuekunft.
Au danke Nadine als vize mit dinere erfahrig hesch du dem team au ghulfe zwachse, heti gern scho im 2018 debi gha damals no mit de Sandy aber ich bin froh das mer dich im boot gha hend.

 Und jetzt zu mim chef: er het bi mim neue Chef bide manne scho gseit es schiisi ihn aa nüme das mit mir zmache aber irgendwie gahts immer witer. dini erfahrig und au dini art wo mengmal luut und vilicht unagnehm übere chunt het das team gformet und gfördered.

 Wasi mir wünsche? Das was mir da ufbaut hend witer ufbaut wird. euses 1 isch svorbild für die wo hüt afanget tschute und die sölled gse womer ane chan cho. und was au wichtig wird sie isch als team agiere will nume so chunt mer wiit. Vorgänger vo mir hend mengmal sgfühl gha es gengi um sie. Egos hend euses 1 lang usbremst und nur zur eurer info Rappi Fraue 1 isch euse gegner gsi ide 1. Liga und isch jetzt ide Super League. 

 Danke eu allne im Team. Danke das mir hend dörfe trainer sie vo eu. Ich weiss für die einte isches chli eifacher gsi und für andere weniger z.B. nöd zspiele aber vilicht wüsseder no wasi als ersts im erste training gseit han: entweder spieled all und mer günned vilicht nöd oder die spieled wo eus chönt helfe de match hei zbringe. Blibed gsund und mer gseht sich ufem fuessballplatz.

 Sebi Bauert